Pondo nga ₱46.22B para sa infra kag ₱17.27B para sa mga eskwelahan, gin-aprubahan sang DBM – Malacañang

Ginpahayag ni Palace Press Officer Claire Castro nga gin-aprubahan na sang Department of Budget and Management ang ₱46.22 bilyon nga pondo para sa 1,743 ka infrastructure projects sa bug-os nga pungsod.

Suno sa DBM, kabahin sang pondo ang ginpain sang Department of Public Works and Highways para sa mga proyekto nga magapaayo sang road connectivity kag mobility, lakip na ang Davao City Bypass Construction Project nga may kapin ₱288 milyon nga alokasyon para sa 2026.

Samtang, nagpain man ang ahensya sang ₱17.27 bilyon para sa pagtukod sang 4,960 ka eskwelahan sa idalom sang Department of Education bilang sabat sa kakulangan sang classroom sa pungsod.