Ginhatagan pagtamod ni anay Senador Antonio Trillanes IV ang ginapahayag pondo nga naghalin sa China nga ginaangot kay Vice President Sara Duterte kag sa iya bana nga si Atty. Mans Carpio.
Suno kay Trillanes, ang pagbaton sang pondo gikan sa dumuluong nga gobyerno ang may implikasyon sa national security, ilabi na kon may mataas nga opisyal sang pungsod ang nadalahig.
Ginpahayag ni Trillanes nga kapin sa P319 million nga pondo ang ginaalegar nagsulod sa kompaniya nga Cale88 nga may kaangtanan kay Carpio.
Samtang, ginpahayag man sini nga ang Tapang at Malasakit Foundation ni Duterte ang ginaalegar nakabaton sang P150 million gikan sa government entity kag mga korporasyon sa China.
Wala gintumod sang pahayag ang mga dokumento nga ginbasehan sang amo nga mga alegasyon.
