ROXAS CITY – Istrikto nga ginapatuman ang granular lockdown sa Barangay Sublangon, Pontevedra, Capiz.
Ini ang ginpahayag ni Mayor Esteban ‘Dodoy’ Contreras sang mainterview sang Bombo Radyo.
Suno diri may yara sang masobra 34 ka mga puloy-an ang nasambit nga Barangay kag may yara sang nabalhag nga anum ka nagpositibo sa COVID-19.
Bangud diri, ginpakamaayo sang local government unit sang Pontevedra nga ipaidalom sa granular lockdown ang amu nga lugar, kun sa diin nagsugod ini sang Setyembre 15 kag magadugay sang 7 tubtob 10 ka adlaw.
Ginpasalig man sang alklade nga may yara sang nagakaigo nga ayuda nga mabaton ang apektado nga pamilya.
Sa pihak nga bahin, ginsabat ni Contreras ang matunog nga istorya nga magapadalagan ini sa pagka-kongresista sang primero distrito, suno diri nga binag-binagon pa sini ang amu nga posisyon kag pagarespetuhon ang mangin desisyon sang iya partido.
