Ginkilala ang Pontevedra Municipal Police Station bilang Top Operating Unit sa tanan nga Municipal Police Stations kag Rank 2 Overall sa 17 ka police stations sang Capiz Police Provincial Office.
Nakakuha ang Pontevedra MPS sang 90 points sa ila operational accomplishments para sa period SANG Agosto 13 tubtob 16, 2020.
Sa interview sang Bombo Radyo kay Police Captain Maria Fe Umiten, hepe sang Pontevedra MPS, iya ginpahayag nga ang amo nga pagkilala indi iya lang nga kadalag-an kundi sang bug-os nga police station.
Suno kay Umiten, nangin daku nga bulig sa ila accomplishment ang teamwork, consistency kag suporta sang local government unit.
Ginpahayag man sini nga ang pasidungog nagahatag sa ila dugang nga motibasyon agud magpadayon sa pagtrabaho kag paghatag sang maayo nga serbisyo sa komunidad.
