ROXAS CITY – Ginatinguhaan na nga mapasakaan sang kaso sang Pontevedra PNP ang duwa ka suspetsado nga nagpangluthang- patay kay Barangay Kapitan Frederick ‘Dikoy’ Dullano sa banwa sang Pontevedra.
Sa interview sang Bombo Radyo kay PMaj. Cyril Punzalan, iya ginpahayag nga ba-se sa ila natipon nga mga ebidensya, kaso nga murder ang mahimo nga mapangatubang sang mga suspek.
Suno diri, ginahulat na lamang nila ang mga pending request agud masuguran ang pagproseso sa kaso.
Ginsiling ni Punzalan, under close monitoring pa ang mga suspek kag ba-se man sa discrete investigation sang kapulisan, wala na sang kontak ang mga pamilya sini sa ila.
Gintagaan man sang proteksyon ang mga testigo para sa ila seguridad ilabi na nga wala pa nakit-an ang mga suspetsado.
Sa karon, padayon ang pag-ayam sang katapo sang Pontevedra MPS sa lokasyon sang duwa ka suspetsado.
