Gindugukan sang madamu nga mga fans ang entablado sang Coachella matapos ang pagbalik sang pop superstar nga si Justin Bieber kun sa diin siya ang nangin main performer sa ikaduha nga adlaw sang musical festival.
Ini ang labing- una nga major festival performance ni Justine humalin sang 2022, kag ang iya set ginkabig bulang pagsugod sang iya “full comeback” sa mga live concert pagkatapos sang pila ka tuig nga paghipos bangud sang mga isyu sa ikaayong lawas.
Sa iya minimalist nga stage setup, ginbalikan sang singer ang iya daan nga mga kanta pareho sang “Baby,” “Never Say Never,” kag “Beauty and a Beat.”
Isa sa mga highlight sang iya set amo ang iya paggamit sang YouTube playback sang iya daan nga mga video samtang nagakanta, nga gintawag niya nga “special night” kag isa ka madugay na nga handom nga natuman.
Ang Coachella magapadayon sa masunod nga weekend nga may halos pareho nga line-up kag mahimo man tan-awon sa mga online streaming platform.
