Ginpakilala ni Pope Francis si Filipino Bishop Ryan Jimenez sang Diocese of Chalan Kanoa sa Northern Mariana Islands bilang bag-o nga arsobispo sang Archdiocese of Agana sa Guam.
Gin-anunsyar sang Vatican sang tinalikdan nga Sabado, Hulyo 6 ang appoinment sang 52-anyos nga obispo.
Si Jimenez ang nagsilbi bilang Obispo sang Charan Canoa sang 2016.
Ginpalingkod siya bilang arsobispo sang Archdiocese of Agana sa Agosto 15 sa Solemn Ceremony of the Assumption of the Virgin Mary sa Cathedral of Dulce Nombre de Maria sa Hagatna, Guam.
Ginbata ang obispo sadtong, Dec. 18, 1971, sa Dumaguete City, Negros Oriental, natapos sini ang iya pag-eskwela sa Estados Unidos sa Saint Patrick’s Seminary kag Unibersidad sa California, nagkuha ini sang kurso nga bachelor’s in sacred theology, master’s degree sa Divinity, kag master’s degree sa Theology sadtong 2003.
Nagtudlo man si Jimenez sa Eskuelan San Francisco de Borja, isa nga Katoliko nga buluthuan sa isla sang Rota sa Commonwealth sang Northern Mariana Islands.
Siya ang ginbansagan nga Apostolic Administrator sang Charan Canoa sadtong 2010 kag ginbansagan man ini bilang ikaduha nga obispo ni Pope Francis sadtong Hunyo 24, 2016.
