Nagapabilin nga kritikal pero stable na ang sitwasyon sang ikaayong lawas ni Pope Francis.
Suno sa Vatican, wala na ini sang naeksperyensyahan nga acute respiratory episode kag stable na ang kahimtangan sang iya nga hemodynamic paramaters.
Sa karon ginabantayan sang mga doctors sini ang prognosis ukon ang resulta sang iya nga sakit.
Nagpaidalom naman ini sa CT scan agud ma-monitor ang iya nga bilateral pneumonia.
Nakabaton man ang 88-anyos nga Argentinian Pope sang Eukaristiya kag ginapadayon ang trabaho.
Tanan suno diri nga mga laboratory test sini ang nag-angkon na sang improvements kag wala na ginakabalak-an ang iya nga kidney insufficiency kun sa diin padayon ang iya oxygen therapy.
Nagapadayon man ang ginahimo nga pag-rosaryo sang mga opisyal sang Vatican kada alas 9:00 sang gab-i nga nagsugod sang Lunes subong man ang pagduwa sang mga tawo agud maghatag sang pangamuyo sa gilayon nga pag-ayo sang Santo Papa.
