-- ADVERTISEMENT --
Ginpangamuyoan ni Pope Leo XIV ang tanan nga mga Filipinos nga naapektohan sang magnitude 7.8 nga linog nga nag-igo sa Sarangani sang nagligad nga semana kag nag-utas sang 61 ka kabuhi.
“I assure my closeness to the people of the Philippines, struck a few days ago by a powerful earthquake…I pray for the deceased and their families, for the wounded, and for all those suffering because of this disaster,” suno sa Santo Papa sa iya X account.
Nahibaluan nga ang mabaskog nga linog sa Sarangani ang nagtay-og sang Hunyo 8 sa diin nag-issue pa sang tsunami warning.
Sa data sang Office of Civil Defense sang Sabado, Hunyo 13, naglab-ot na sa 61 ang numero sang mga napatay sa diin 54 ang nagikan sa Region 12 kag pito sa Region 11.
