Nag-istoryahanay si Pope Leo XIV kag si Israeli President Isaac Herzog paagi sa telepono agud istoryahan kag tapuson ang nagapadayon nga inaway sa Middle East.
Ginkumpirma ini sa isa ka pahayag nga ginpaguwa sang Holy See Press Office, sa diin ang Santo Papa ang nag-insister kay President Herzog nga kinahanglanon nga buksan liwat ang tanan nga posible nga linya sang diplomatiko dialogue agud mapauntat ang seryoso nga inaway.
Katuyuan sang sini nga dayalogo sa tunga sang lider sang Simbahan Katoliko kag sang Israel amo ang pagpangita sang paagi para sa mabakod kag mapinadayunon nga paghidait sa rehiyon, ilabi na sa konteksto sang nagapadayon nga inaway.
Natapos ang paghambalanay sa paghatag sang Santo Papa sang importansya sang pag-amlig sa mga sibilyan kag pagtahod sa internasyonal nga humanitarian law.
Ang amo nga paghinun-anon sa tunga sang Santo Papa kag sang Presidente sang Israel ang yara sa tunga sang pagsaulog sang Paskwa (Resurrection) kag Jewish Passover, sa diin nagbayluhanay man sila sang panamyaw.
Padayon man ang pagpabutyag sang Santo Papa sang daku nga kabalaka sa nagasaka nga kahalitan,rason sang iya pagpanawagan sa mga world leader nga pilion ang negosasyon imbes nga armas.
