Ginabulubanta nga magalab-ot sa 123.96 milyon ang kabug-usan nga populasyon sang Pilipinas sa tuig 2035.
Base sa pinakaulihi nga report sang Philippine Statistics Authority (PSA), ginabulubanta nga magataas sang 0.85% kada tuig ang populasyon sang pungsod humalin 2020 tubtub 2035, sa diin ang CALABARZON Region ang ginapaabot sa gihapon nga mangin pinakamadamo sang populasyon sa bug-os nga pungsod.
Suno sa datos sang PSA, ang populasyon sang mga lalaki sa tuig 2030 ginalauman nga magataas sa 62.64 milyon samtang ang populasyon sang mga babayi ginalauman nga maganubo sa 61.32 milyon.
Ang kalabanan nga mga rehiyon ginalauman nga magapabilin sang mas mataas nga populasyon sang mga lalaki sa tuig 2035 magluwas sa Metro Manila kag BARMM nga ginalauman nga malab-ot sang mga populasyon sang mga babayi.
Samtang, sang tuig 2020, ginreport sang PSA nga siyam ka rehiyon ang may populasyon nga kapin sa 5 milyon, apang pag-abot sang 2035, magataas ang amo nga numero sa 12 ka rehiyon lakip ang Eastern Visayas, South Cotabato, Cotabato, Cotabato City, Sultan Kudarat, Sarangani, General Santos City (SOCCSKSARG), kag BMM.
