ROXAS CITY – Wala sang mga pork products naggikan sa mga lugar nga apektado sang African Swine Fever nga nakasulod sa probinsya sang Capiz partikular na sa Teodoro Arcenas Trade Center (TATC).
Ini ang ginpahayag ni Market Administrator Rainier Cargando sang ma-interview sang Bombo Radyo.
Suno kay Cargando nga gikan sa isla sang panay ang mga pork products partikular na ang mga fresh pork meats products nga ginabaligya sa sulod sang nasambit nga merkado.
Gindugang pa sini nga ang mga frozen pork products nga ginabaligya sa merkado ang gikan sa Cebu City.
Kadungan sini, nagpanugyan si Cargando sa mga manugbaligya kag bumalakal nga likawan ang pagbakal sang mga pork products naggikan sa mga apektado nga lugar nga nagpositibo sa African Swine Fever (ASF).
