ROXAS CITY – Ginkahangaw-an sang pila ka mga naga-jogging sa syudad sang Roxas ang nakita nga narumpag nga porsyon sang gina-construct nga Esplanade, sa may Washington St., syudad sang Roxas.
Sa interview sang Bombo Radyo kay ‘Blas’ isa sa naga-jogging kada aga sa amu nga lugar, nga ginkakibot nalang sini kaina nga aga ang natabo sa esplanade.
Suno diri , ba-se sa mga tawo sa lugar, pasado pa alas-11 sa gab-i sang narumpag ang amu nga dalan nga may kahabaon nga kapin 150 metros.
Dugang pa ni ‘Blas’ nga indi mabakod ang pag-construct sa amu nga alagyan bangud kanipis sang kabilya nga gingamit para diri, nga posible gintunaan sang pagkarumpag.
Nagakabalaka man ini bangud ginatos ukon posible linibo ang magapadulong sa sina nga lugar sat ion nga makay-o na ini, ilabi pa nga ini ang masami ginapuwestuhan sang mga pumuluyo kun may aktibidad sa suba.
Nagapati ini nga manami ang proyekto sang city government apang pigado ang pundasyon sang amu nga esplanade.
Nahibaluan nga apat na ka bulan ang ginapatigayon nga konstruksyon sa lugar.
