DAO, CAPIZ – Gintupok sang kalayo ang porsyon sang kakugnan sa Barangay Quinabcaban, Dao, Capiz.
Suno kay SFO2 Rolly Montero, Chief Operation kag Deputy Fire Marshall sang Dao Municipal Fire Station, nakabaton sila sang impormasyon nga may nagluntad nga sunog sa amo nga lugar rason nga madasig nila ini nga ginrespondihan.
Ginpahayag sini nga base sa ila pagpangusisa, may yara sang nagsuga sa amo nga lugar kag ginbayaan ini.
Suno diri nga napalong man ang sang residente ang ginsug-an nga porsyon sang kakugnan apang posible nga wala sini madiparahan nga may nabilin pa nga baga.
Bangud sa masingkal nga init kag sang hangin, madasig nga naglapta ang kalayo.
Nahibaluan nga ginapanag-iyahan ni Ella Armonio kag Nicanor Armiza ang duta kun sa diin nagluntad ang sunog.
