Gina-imbestigaran sang National Privacy Commission (NPC) ang posible nga privacy breach sa public display sang Posted Computerized Voter’s Lists (PCVL) sa pila ka mga polling precincts sa tion sang midterm elections sa Mayo 12.
Suno sa komisyon, ginreport nga ang ginpaskil nga computerized voter’s list nga nagaunod sang personal nga impormasyon sang mga botante, lakip na ang ila kompleto nga ngalan, pirma, kag residential address, ang ginpaskil sa mga lugar nga ma-access sang publiko kaangay sang mga bulletin board sa guwa sang voting precincts.
May-angot sini, gina-usisa sang komisyon kun bala ang nasambit nga publikasyon sang PCVLs ang naglapas sa Data Privacy Act of 2012.
Ginahingyo sang privacy body ang publiko nga likawan ang pagkuha sang laragway sang mga PCVL kag indi pag-i-post sa ila social media ukon iban pa nga platforms nga wala sang pahanugot ukon pahanugot gikan sa nalista nga mga indibidwal.
Ang komisyon nagpaandam nga ang wala ginatugutan nga pagpaambit sang personal nga datos mahimo magbuyagyag sa mga indibidwal sa mga risgo sa privacy kag posible nga paglapas sa kasuguan.
Ginpanugyan sang komisyon sa publiko nga i-report ang anuman nga may kaangtanan nga insidente paagi sa sprint@privacy.gov.ph.
