Gin-anunsyo sang Philippine Ports Authority (PPA) ang plano nga pagpatukod sang tatlo ka pantalan sa mga probinsya sang Oriental Mindoro, Camiguin, kag Dinagat Islands.
Ang nasambit nga proyekto ang nagakabalor sang P831 million kun sa diin ang ginatuyo sang PPA nga matapos ang proyekto subong nga tuig 2025 bangud sa na-eksperyensyahan nga pagdamo sang numero sang mga pasahero subong nga tuig.
Base sa rekord sang ahensya sumugod sang Enero tubtob Setyembre sang nakaligad nga tuig, nakabalhag ang PPA sang 10% nga pagtaas sa numero sang mga pasahero, nga halos umabot sang 60.47 million gikan sa 54.83 million sang 2023.
Maluwas diri, ang PPA ang ginakabug-usan man sang isa ka master plan agud magtukod sang dugang nga 10 nga mga bag-o nga pantalan sa bilog nga pungsod nga nagatuyo nga mapaayo ang connection kag suplay sa kalakalan.
Subong nga tuig, ginabanta nga aabot na sa 85.4 milyon ang numero sang mga pasahero sa mga pantalan rason nga kun matuman ang proyekto sang PPA, malampuwasan sini ang numero sang mga pasahero sang 2019 sa kapareho nga bulan nga umabot sa 83.72 milyon.
