Wala pa nakabaton ang Parish Pastoral Council for Responsible Voting (PPCRV) sang 18% sang transmitted votes halin sa Commission on Elections (Comelec) bangud sa file format nga indi nila maproseso.
Suno kay PPCRV spokesperson Ana Singson, 79.9% lang ang ila gina-uyatan nga boto ipaanggid sa 98% nga gina-uyatan na sang Comelec.
Ginaalegar nga yara sa transparency server ang file apang wala ini sa format nga sarang magamit sang PPCRV para sa verification kag publication.
Sa subong wala pa nakabaton sang paathag ang PPCRV halin sa Comelec angot sa amo nga isyu.
Sa pihak nga bahin, nagalaum si Singson nga may yara sang maathag nga paathag kag transparency sa proseso.
Ginhatagan pagtamod sang PPCRV nga importante ang nabilin nga 18% sang boto bangud mahimo ini makaapekto sa pinal nga pwesto sa palumba sa senador.
