Nag-apelar ang Parish Pastoral Council for Responsible Voting (PPCRV) nga ini ang mangin katapusan nga kahigayunan agud ipaisol ang Barangay kag Sangguniang Kabataan Elections (BSKE), matapos ini ginsaylo sa Disyembre 2025 pakadto sa Nobyembre 2026.
Suno kay PPCRV chairperson Evelyn Singson, importante ang regular nga pagpatigayon sang eleksyon agud mapabilin ang accountability sang mga opisyales kag ang pagsalig sang mga pumuluyo.
Ginhatagan niya sing importansya nga ang sulit-sulit nga pag-isol makahalit sa demokrasya.
Madumduman nga sang damlag lang ginpirmahan ni Presidente Ferdinand Marcos Jr ang Republic Act No.12232 nga nagtalana sang bag-o nga petsa para sa BSKE. Sa amo man nga tion, ang BSKE ginapatigayon kada apat ka tuig.
Magluwas diri, ginbaton man sang PPCRV ang rason sang pag-isol agud mahatagan sang lugar ang preparasyon para sa first-ever Parliamentary Elections sa Bangsamoro Autonomous Region in Muslim Mindanao (BARMM) sa Oktubre 2025, apang ginpanindugan ni Singson nga indi ini dapat mangin rason agud pirme ipaisol ang barangay elections.
