Magahiwat sang prayer vigil kag freedom march sa kapital sang Amsterdam, Netherlands agud panawagan nga ibasura ang kaso batok kay anay Presidente Rodrigo Duterte sa International Criminal Court (ICC).
Ini ang ginkumpirmar ni former presidential spokesman Atty. Harry Roque sa iya live video broadcast.
Suno kay Roque, magasugod sang aktibidad sa Setyembre 19 takna alas 5:00 sang hapon sa Amsterdam sa diin may patigayunon nga prayer vigil.
Sa Setyembre 20, patigayunon naman ang freedom march agud ipanawagan ang lubos nga pagbasura sa kaso sang anay Presidente.
Samtang sa Setyembre 21, pagahiwaton ang panel discussion kag fellowship.
Nahibaluan nga ang lined-up gatherings ang gin-organisar ni DDS Maisug sa tunga sang pending hearing sa kumpirmasyon sang mga reklamo batuk sa anay presidente matapos ini ginpaisol sang ICC kasunod sang request sang depensa bangud sa health issues.
