Ginbawi sang Professional Regulatory Board of Civil Engineering (PRB-CE) ang civil engineer license ni anay DPWH Bulacan District Engineer Henry Alcantara bangud sa seryoso nga unprofessional kag unethical nga pagginawi may kaangtanan sa ginaalegar ghost flood control projects.
Base sa desisyon, napamatud-an nga administratively liable si Alcantara sa pag-aprubar sang pag-release sang pondo para sa mga ghost projects, base sa DPWH Special Audit Report.
Suno sa board, ang hungod nga pag-aprubar sa pag-release sang pondo para sa ghost project ang isa ka paglapas sa Code of Ethics kag pagluib sa pagsalig sang publiko.
Si Alcantara may yara sang 15 ka adlaw sa pag-file sang motion for reconsideration. Kon ini ang ipanghiwala, mahimo siya mag-apelar sa Commission Proper sa sulod sang 15 ka adlaw halin sa pagbaton sang resolusyon.
