PRC, padayon sa rescue kag medical response sa insidente sang building collapse

Nagpabutyag ang Philippine Red Cross nga naka-high alert sila samtang padayon ang ila pagresponde sa insidente sang naggumho nga gusali sa Pampanga.

Suno sa PRC, ginpadala na nila ang nagakaigo nga rescue teams, kagamitan kag medical personnel agud magbulig sa search and rescue operations para sa mga posible nga nabiktima sang insidente.

Padayon man ang koordinasyon sang PRC sa lokal nga panguluhan kag iban pa nga ahensya agud mas mapadasig ang operasyon kag masiguro ang kaluwasan sang mga naapektuhan sang pagbagsak sang gusali.