Nabaton na sang House of Representatives (HOR) ang abiso gikan sa Senate impeachment court angut sa natalana nga pre-trial conference sa kaso nga impeachment batuk kay Vice President Sara Duterte.
Ini ang ginpahayag ni House prosecutor kag Bicol Saro Partylist Rep. Terry Ridon.
(GATCHALIAN 3)
Base sa notice nga ginpirmahan ni Acting Senate President Sherwin Gatchalian, ginmanduan ang kampo ni Vice President Sara Duterte kag ang House prosecution panel nga magtambong sa Senate hearing sa Hunyo 18, las 9 sang aga.
Ginmanduan man ang duha ka bahin nga magsumite sang ila mga pre-trial briefs antes ang Hunyo 15.
(SARA)
Dapat ini magbutang sang ginkasugtan nga mga kamatuoran, mga isyu nga dapat solbaron, kag isa ka listahan sang mga ebidensya kag mga saksi nga ipresentar sa hearing.
Indi man bukas sa media kag publiko ang pre-trial conference agud mapatigayon ang paghinun-anon kag masiguro ang matawhay kag madasig nga pag-uswag sang kaso.
Suno kay Ridon, ang pre-trial conference ang magaserbe nga giya sa schedule kag mga proseso nga pagasundon sa impeachment trial
