Magapadayon subong nga adlaw ang pre-trial conference para sa impeachment trial ni VP Sara Duterte bilang preparasyon sa pormal nga Senate trial nga natalana sa Hulyo 6.
Sa tion sang pre-trial, ginamarkahan kag gina-review sang prosecution kag defense panels ang ila mga ebidensiya may kaangtanan sa mga reklamo nga ginpasaka batuk sa Bise Presidente.
Suno kay Atty. Michael Poa sang defense team, natapos na nila ang pagmarka sang pila ka mga dokumento apang nagakinahanglan sang dugang nga tion para sa iban pa nga mas komplikado nga ebidensya.
Samtang, ginsumite na sang House prosecution panel ang ila pre-trial brief kag iban pa nga may kaangtanan nga mga dokumento sa mga senador nga magaserbe bilang huwes sa impeachment court.
Madumduman nga gin-impeach si Sara Duterte matapos nakakuha sang 257 ka boto sa Lower House of Congress angut sa mga alegasyon sang sala nga paggamit sang pondo kag iban pa nga isyu.
