Ginsigurado sang Palasyo nga padayon nga nagaayo si President Ferdinand Marcos Jr. matapos nga na-diagnose sang diverticulitis.
Suno kay Palace Press Officer Undersecretary Claire Castro, wala sang problema si President Marcos Jr. kag naghatag pa sang mga direktiba sang ila sini ulihi nga pag-istoryahanay sang Biyernes, Enero 30. Ginalauman nga makabawi sang dalayon ang Presidente sa masunod nga semana.
Gindugang sang Palasyo nga paga-unahon ni Marcos Jr. ang trabaho kaysa magpasilabot sa mga impeachment proceedings batuk sa iya nga maga-umpisa sa Lunes, Pebrero 3.
Ginsiling ni Castro nga kumpiyansa ang Presidente nga wala siya nakahimo sang impeachable offense kag wala siya nagakabalaka natuhoy sa mga reklamo, nga gintawag niya nga “maluya” kag “wala sang basehan.”
Pahayag pa ni Castro, indi magpatigayon sang ano man nga interbensyon ang Presidente sa mga impeachment proceedings, kag pagayon nga maga-tutok sa iya nga ikaayong-lawas kag mga importante nga obligasyon sa gobyerno.
