MANILA, Philippines – Ginpangunahan ni President Ferdinand Marcos Jr., ang pagtalakay sa Artificial Intelligence “AI” upskilling, jobs kag education initiatives sa ika-5 nga meeting sang Private Sector Advisory Council “PSAC”.
Sa ginpatigayon nga ika-5 nga meeting sa Malacañang ang pagsinapol nakasentro sa pagpasangkad sang sang ihibalo nga kun sa diin daku ang bulig ang mahatag sini.
Suno sa Presidential Communications Office “PCO”, sentro sang meeting ang pagpalapnag sang AI kag digital upskilling programs, lakip man ang pagpatuman sang Semiconductor and Electronics Industry Roadmap.
Gin-atubang man ang pagsulong sang mga inisyatibo nga magatuga sang dugang nga mga oportunidad para sa trabaho, pagnegosyo, kag pagpauswag sang mga ikasarang para sa mga Pilipino, siling sang PCO.
Dugang pa sang PCO, ginhatagan man sang importansya sa meeting ang mas mapalig-on nga pagbinuligay sa tunga sang gobyerno, pribado nga sektor kag academic institutions agud masolusyunan ang mga problema nga gina-atubang sa labor sector sang pungsod.
