Ginsiguro ni Ferdinand Marcos Jr., nga nagadihon sang tikang ang Unified Project for Low-Income Families and Targeted Support (UPLIFT) Committee
agud masiguro nga indi magresulta sa pagsaka sang presyo sang balaklon ang padayon nga pagtaas sang presyo sang gatong sa pungsod.
Suno kay Marcos, lakip sa mga nakaupod sini sa pagsinapol amo ang executive secretary,doe, dot, DSWD, da, dof, dod, dbm.
Pahayag niya, magapatuman sang P50 nga price cap sa kada kilo sang imported nga well milled rice kag sa benteng bigas program, magasaka sa 2,000 metric tons ang igabaligya sa publiko kun ipaanggid sa anay 600 metric tons lang.
Dugang pa niya, padayon man ang pagpanagtag sang subsidy kag cash assistance sa sector nga apektado sang krisis sang gatong kaangay sa transportasyon, mga mangunguma kag manugpangisda.
Madamo naman sang mga Overseas Filipino workers sa Middle East ang nabuligan sang gobyerno nga ma-repatriate sa idalum sang Department of Migrant workers (DMW) kag Overseas Workers Welfare Administration (OWWA).
Nagpanawagan man si Marcos sa publiko nga subong nga Semana Santa, ilakip sa pangamuyo ang pag-angkon sang kalinong kag kasulhayan sa krisis nga ginapangatubang sang pungsod.
