GENERAL SANTOS CITY — Personal nga ginbisita ni Pangulong Ferdinand Marcos Jr. ang General Santos City sang Miyerkules agud masusi ang sitwasyon kag mga pinsala nga ginbilin sang magnitude 7.8 nga linog nga nagtay-og sa Mindanao sang Hunyo 8.
Sa iya pag-abot, una nga gin-inspeksyon sang Pangulo ang St. Elizabeth Hospital antes nagpadulong sa pagpanghatag sang bulig sa mga apektado paagi sa Assistance to Individuals in Crisis Situations ukon AICS program.
Lakip sa eskwelahan nga ginbisita niya ang Romana C. Acharon Central Elementary School kag General Santos National High School kun sa diin imprastraktura ini nga naapektuhan sang linog.
Base sa pinaka-ulihi nga datos, naglab-ot na sa 45 ang napatay, 487 ang nasamaran, samtang 17 pa ka indibidwal ang ginapangita sang mga otoridad.
Padayon man nga limitado ang operasyon sang General Santos International Airport, nga sa karon nagaserbisyo lamang para sa mga government, military kag humanitarian flights.
Sa tion sang iya pagbisita, ginmandu sang Pangulo ang mga natungdan nga ahensya nga unahon ang kaayuhan sang mga pasyente sa mga ospital kag masiguro ang padayon nga suplay sang kuryente sa mga pasilidad pangkalusugan samtang nagapadayon ang recovery kag relief operations sa mga apektado nga lugar.
