Liwat nga gin-athag sang Malacañang nga indi magpanghilabot si Pangulong Ferdinand Marcos Jr sa impeachment case ni Vice President Sara Duterte.
Suno kay Executive Secretary Lucas Bersamin, ang nasambit nga gahum sang impeachment ang yara na sa kamot sang House of Representatives.
Bilang paghatag sang respeto sa institusyon, indi pagpasilabtan sang Pangulo ang nasambit nga isyu bilang kabahin sang co-equal branch nga my exclusive jurisdiction.
Matandaan nga ginpahayag sang House Secretary General nga sa mga masunod nga adlaw ila nga iga-indorso sa opisina ni Speaker Martin Romualdez ang tatlo ka impeachment complaints batuk sa Bise Presidente.
Una na nga ginsiling ni Pangulong Marcos nga mabudlay ang paghulag sang impeachment bangud mabudlayan man ang mga mamalidha nga makakuha sang quorum tuga sang nagahilapit ang panahon sang pagpangampanya para sa eleksyon sa Mayo.