-- ADVERTISEMENT --
Ginpatigayon ni Pres. Roxas Mayor Receliste “Tanoy” Escolin ang iya ika-10 nga State of the Municipal Address (SOMA) subong nga adlaw.
Sa interview sang Bombo Radyo kay Esculin, iya ginpahayag nga kapin isa ka dekada nga pagpangalagad sini nagapakita sang padayon nga suporta kag pagsalig sang mga pumuluyo sa iya pagpamuno.
Suno pa sa alkalde, espesyal ang sini nga okasyon bangud naga-isahanon lamang ini nga alkalde sa Capiz nga nakapatigayon sang ika-10 ka SOMA.
Ginhiwat ang SOMA sa Municipal Plaza sang Pres. Roxas, sa diin nangin mga bisita sanday Gov. Fredenil Castro kag 1st District Congressman Howard Guintu.
