Gin-ako ni President Ferdinand Marcos Jr nga nagakabalaka ang ila pamilya kag bisan ang ila mga abyan sa batasan sang iya magulang nga si Senador Imee Marcos kasunod sang iya mga pahayag sa publiko.
Suno sa Presidente, indi niya luyag nga istoryahan sa publiko ang mga bagay-bagay sa pamilya apang kinahanglan niya nga maghambal bangud sa ila gina-atubang.
Dugang pa sang Presidente, ginpahayag niya nga do kaangay indi niya utod ang Senadora
Ginpanindugan man sang Presidente nga ang makita kag lantawon sang publiko ang kabaliskaran sa matuod nga pagkatawo sang iya utod, base man sa obserbasyon sang ila mga pakaisa kag mga abyan.
Bangud sini, nagabaskog ang ila kabalaka kag nagalaum sila nga magaayo gilayon ang sitwasyon sini.
Sang ginpamangkot ang Presidente kon naga-istoryahanay pa sila sang iya utod nga si Senador Imee, ginpahayag ni Pang Marcos nga wala sila naga-istoryahanay sa karon kag wala na sila nagahulag sa pareho nga mga grupo, bisan sa patag sang pulitika ukon pribado nga hilikuton.
Matandaan nga sang Nobyembre 17, ginbuyagyag ni Senator Imee Marcos nga nagagamit sang illegal nga droga ang First family.
