Gin-anunsyo ni President Ferdinand Marcos Jr. ang plano nga dugangan ang base pay para sa military kag uniformed personnel (MUP) nga ipatuman paagi sa tatlo ka tranches sa tuig 2026.
Sa isa ka video message, ginkilala sang Presidente ang sakripisyo kag dedikasyon sang military and uniformed personnel, ilabi na sa serye sang mga kalamidad nga nag-igo sa pungsod.
Dugang pa sang Presidente, ang ini nga tikang bilang pagkilala sa wala kakapoy nga pagserbisyo, dedikasyon, kag ikasarng sang military and uniformed personnel.
Kalakip sa mga makabenepisyo sa pagsaka sang sweldo amo ang mga empleyado gikan sa Department of National Defense (DND), Department of the Interior and Local Government (DILG), Philippine Coast Guard (PCG), Bureau of Corrections (BuCor), National Mapping and Resource Information Authority (NAMRIA).
Ini nga plano ginalauman nga makahatag sang dugang nga suporta kag insentibo sa mga uniformed personnel nga padayon nga nagaserbisyo sa pungsod sa pihak sang katalagman kag pagpanghangkat sang ila mga katungdanan.
