Sa pagbisita ni President Ferdinand Marcos Jr sa Tokyo, ginpanindugan sini nga wala sang kahilabtanan ang mangin kabahin sang majority ukon minority bloc sa Senado sa mga kaso nga ginapangatubang sang pila ka mga senador.
Ini bilang sabat sa pahayag sang Presidente kay Senator Imee Marcos nga posible gina-target ang “majority 13” matapos nga na-implicate ang pila ka mga miyembro sini sa mga reklamo may kaangtanan sa flood control projects.
Suno kay Marcos, ang mga reklamo nga ginapangatubang sang pila ka mga senador ang resulta sang imbestigasyon sang Senate Blue Ribbon Committee kag pag-analisar sang Ombudsman kag sang Department of Justice.
Ginhatagan man pagtamod sang Presidente nga naga-agi sa nagakaigo nga proseso ang mga imbestigasyon kag wala sang pamulitika nga nadalahig sa mga imbestigasyon nga ginapatigayon sang mga ahensya sang gobyerno.
