Gin-anunsyo ni President Ferdinand Marcos Jr. ang mayor nga pagpasangkad sang maternity benefits sang PhilHealth epektibo subong nga adlaw, Abril 30, nga nagatuyo sa pagpanubo sang gasto sang mga pamilya nga Pilipino kag pagsiguro sang mas luwas nga pagbata.
Sa idalom sang bag-o nga mga benepisyo, ang coverage para sa normal delivery magataas halin sa P9,750 tubtob P29,000, samtang ang cesarean section magasaka sa P58,000 tubtob P62,000 gikan sa nagligad nga P37,000.
Ang prenatal care ang pagapasangkaron man halin sa apat tubtub walo ka check-up, lakip na ang laboratory tests kag vaccinations, samtang may yara man sang tatlo ka libre nga postnatal check-up.
Tinutuyo sang programa nga mangin halos libre ukon mas barato ang pagbata, ilabi na sa mga yara sa ward accommodation.
Magluwas sini, magahatag ang gobyerno sang P350 monthly allowance para sa mga nagabusong nga nalakip sa 4Ps sa idalum sang “First 1,000 Days” nga programa agud mapasanyog ang nutrisyon kag ikaayong lawas sang iloy kag lapsag.
