Pormal na nga gindeklara ni President Ferdinand R. Marcos Jr. ang state of national energy emergency agud amligan ang pungsod Plipnas batok sa nagalala nga mga epekto sang nagadugang nga tensyon kag inaway sa Middle East.
Ini nga deklarasyon ang base sa Executive Order (E.O.) No. 110 nga gin-isyu kahapon nga adlaw, Marso 24, 2026,may tinutuyo nga gilayon nga masabat ang pamahog sang kakulangan sang supply sang gatong sang pungsod pagkatapos nga madeterminar sang Department of Energy (DOE) ang kritikal nga sitwasyon.
(GATONG)
Suno sa mando, ang pagsirado sang Strait of Hormuz subong man ang inaway sa tunga sang Estados Unidos sang America, Israel, kag Iran ang nagatuga sang tuman nga pagkatublag sa global oil shipments.
Agud mapahagan-hagan ang epekto sini sa publiko kag sa ekonomiya, ginmando man sang Presidente ang malapnagon nga pagpatuman sang Unified Package for Livelihoods, Industry, Food, and Transport ukon UPLIFT agud makapahagan-hagan sa hinali nga pagtaas sang presyo sang gatong.
