Nagpanawagan si President Ferdinand Marcos Jr. sa publiko nga indi magpanic sa padayon nga pagluya sang piso batuk sa dolyar, kadungan sini nga ginapasiguro nga gamiton sang gobyerno ang tanan nga posible nga tikang agud maamligan ang balor sang kuwarta sang pungsod.
Suno kay Marcos, bastante na ang mekanismo sang gobyerno agud malikawan ang padayon nga pagnubo sang balor sang piso.
Matandaan nga ang peso nagsirado sa bag-o nga record low nga P64.17 kada dolyar sang Martes, base sa data sang Bankers Association of the Philippines.
Tungod nga nagasalig ang pungsod sa imported oil, raw materials kag mga produkto sa agrikultura, ang pagluya sang piso mahimo nga mangin kabangdanan sang pagtaas sang presyo sang mga balaklon kag adlaw-adlaw nga gasto.
