Nagpagwa sang mensahe sang Paskwa ang Malacañang kun sa diin gin-updan sang Presidente ang bug-os nga pungsod sa pagselebrar sang malipayon nga tion sang Paskwa.
Sa iya mensahe, ginpahayag sang Presidente ang pagpasalamat sa Diyos sa tanan nga grasya nga nabaton sang pungsod sa bug-os nga tuig kag ginpadumduman ang tanan nahanungod sa kahulugan sang pagkatawo ni Hesukristo.
Suno pa sa iya, ang Paskwa ang tion sang pagtililipon sang pamilya, abyan, kag mga hinigugma, kag wala sing mas mainit kag mas malipayon nga selebrasyon para sa mga Pilipino kundi ang Paskwa nga nagahatag kahigayunan sa pagpasalamat sa kabuhi kag ang mga grasya nga ginabaton kada adlaw.
Kadungan sini, ginpanawagan sang Presidente ang tanan nga magpakita sang kaluoy kag pagkamaalwan para sa mga pinaka-nakinahanglan, lakip na ang mga pigado, masakiton, biktima sang kalamidad, kag mga yara sa idalom sang lipunan.
Suno sa iya, subong nga si Hesus nagdala sang kaluwasan sa kalibutan, dapat man nga ipanagtag sang kada isa ang kalipay, kaayo, kag paglaum sa ila isigkatawo, labi na gid sa mga kabataan nga amo ang sentro sang selebrasyon sang Paskwa.
