Nagapanawagan si President Ferdinand Marcos Jr. Sang restraint sa mga partido nga involve kasunod sang nagapadayon nga kinagamo sa Middle East.
Nagalaum man ang Presidente nga sa indi madugay mauntat na ang kinagamo sa tunga sang Amerika, Israel kag Iran.
Gin-athag man ni President Marcos nga wala sang kahilabtanan ang Pilipinas sa subong nga kinagamo kag indi ini kabahin sang anuman nga bahin.
Ginpanindugan sang Presidente nga apisar luyag sang pungsod nga mag-untat na ang inaway, ang direkta lang nga mga partisipante ang makapanawagan sang ceasefire.
Nagpabutyag man sang suporta ang Presidente sa mga pungsod nga gin-atake kag nagalaum nga matapos na sa gilayon ang krisis.
Sa subong, nagapakig-angut ang Pilipinas sa iban nga mga lideres agud magpangayo sang bulig sa ila agud masiguro ang kaluwasan sang mga Pilipino sa luwas sang pungsod.
Pahayag pa sang Presidente, ang pinakaimportante sa subong amo ang pagsiguro sang kaluwasan sang pila ka mga Pilipino sa nagapadayon nga tensyon sa Middle East.
