Wala nagakabalaka si President Ferdinand R. Marcos Jr. sa ginpasaka nga impeachment complaint batuk sa iya sa Kamara.
Suno kay Palace Press Officer kag Presidential Communications Office Undersecretary Claire Castro, personal niya nga naistorya ang Presidente angut sa amo nga bagay kag nagasalig nga malampuwasan ang mga pagpanghangkat nga ginapangatubang sang iya administrasyon.
Dugang pa sini nga kumpiyansa si Presidente Marcos nga indi madayon ang impeachment complaint bangud sa kakulang sang ebidensya kag nagaluntad nga mga proseso sa Kongreso.
Ginhatagan pagtamod sang Malacañang nga nagapabilin nga committed ang Presidente sa iya katungdanan kag pagsabat sa mga isyu nga gina-atubang sang pungsod sa pihak sang kritisismo kag pagpanghangkat sa pulitika.
