Wala nagakabalaka si President Ferdinand Marcos Jr. sa pagnubo sang iya approval ratings.
Suno kay Palace Press officer Claire Castro, kun ang rason sang pagnubo sang ratings sang Presidente bangud sa iya imbestigasyon sa anomaliya sang mga flood control projects, wala na siya nagakabalaka bangud yara sa intsakto lang ang iya ginahimo.
Gindugang pa ni Castro nga wala na ginhulat sang Presidente kon sin-o ang magasugod sang imbestigasyon bangud magadugay lang ang pagproseso kag wala man ini sang may nabatyagan nga kahadluk bisan madamo nga pulitiko kag dalagku nga mga tawo ang maapektuhan.
Matandaan nga nakarekord sang 48% nga disapproval rating para kay Marcos sa isa ka survey nga ginpatigayon sang Disyembre, mas mataas sang sang sa nabalhag sang bulan sang Setyembre.
Samtang, ang approval ratings sa iya performance ang nagtaas sang isa ka porsyento nga nangin 34% samtang 18 %sang mga respondents ang nagapabilin nga undecided.
