Ginpirmahan ni Presidente Ferdinand Marcos Jr. bilang layi ang hagna nga gilayon nga naga-postpone sang 2025 Barangay and Sangguniang Kabataan Elections.
Nasaad sa nasambit nga kasuguan nga sa baylo nga Disyembre 1, 2025, ang BSKE pagahiwaton sa masunod nga tuig sa Nobyembre 2, 2026.
Nasaad man sa Republic Act 12232 nga palawigon man ang termino sang mga barangay officials kag Sangguniang Kabataan halin sa tatlo ka tuig pakadto sa apat ka tuig.
Ang mga barangay officials kag SK officials ang makaserbisyo lamang sang tatlo ka sunod-sunod nga termino sa amo man nga posisyon.
Nasaad man sa layi nga ang mga incumbent barangay officials nga nagaserbe sang ila ikatatlo nga sunod-sunod nga termino ang indi pagpahanugutan nga magpadalagan sa amo man nga posisyon sa palaabuton nga Nobyembre 2026 Barangay kag SK Elections.
Ang kasuguan nagamando man sa Commission on Elections nga mag-isyu sang mga pagsulundan kag sa pagpatuman nahanungod sa kasuguan sa sulod sang 90 ka adlaw.
