Ginsiguro ni President Ferdinand Marcos Jr. nga may yara sang bastante nga supply sang crude oil ang Pilipinas tubtob sa Hunyo 30, 2026.
Suno kay Marcos, padayon sa gihapon ang pagpangita sang gobyerno sang dugang nga supply.
Una na nga nagdeklara sang state of national energy emergency ang presidente sa tunga sang padayon nga pagtaas sang presyo sang gatong.
Ang administrasyon may yara sang 45 days nga supply sang fuel as of March 20 kag nagbakal ini sang dugang nga 1 million barrels sang oil para sa buffer stock.
Sang damlag lang, ginpirmahan ni President Marcos ang Executive Order No. 110 samtang ginalauman nga magataas ang presyo sang diesel sa masobra P130 kada litro kag masobra P100 naman kada litro sa gasolina subong nga semana.
Ang nasambit nga executive order ang nagamandu kag naga-authorize sa Department of Energy nga maghimo sang mga tikang agud mapabilin nga estable kag bastante ang supply sang enerhiya sa pungsod kag mapahagan-hagan ang epekto sang disruptions sa global energy supply markets.
