Ginbuyagyag sang Malacañang nga indi gid luyag ni Presidente Ferdinand Marcos Jr nga mag-resign bilang special adviser sang Independent Commission for Infrastructure (ICI) si Baguio City Mayor Benjamin Magalong.
Suno kay Palace press officer Claire Castro, ginamandu sang presidente nga i-review ang appointment ni Magalong sa ICI.
Dugang pa ni Castro, ang direktiba indi pagpahalin kay Magalong kundi sa baylo nga atubangon ang isyu sa iya pagka-alkalde kag sa iya pag-empleyo sa ICI.
Luyag man sang Presidente nga magserbe si Magalong bilang special adviser kag imbestigador sang ICI bangud wala nag-resign bilang alkalde si Magalong, nagserbe lang siya bilang special adviser.
Pahayag pa sini nga luyag man sang Presidente nga masiguro nga wala sang paglapas sa appointment ni Magalong bangud nagaserbe man ini bilang alkalde.
