President Marcos Jr., liwat nga ginpamatud-an nga wala sang balatian matapos maghakwat sang 10kilos nga bugas sa relief distribution

Liwat nga ginpanginwala ni President Ferdinand Marcos Jr. ang huring-huring nga may problema siya sa ikaayong-lawas matapos nga ginhakwat ang 10kilos nga bugas sa aid distribution sa Maynila subong Huwebes.

Ginpamangkot sang Presidente kun sin-o ang may balatian samtang ginapakita ang iya kabaskog sa atubang sang publiko.

Kaupod sanday Manila Mayor Isko Moreno Domagoso kag Vice Mayor Chi Atienza, ginsiling sang Presidente nga katuyuan sang programa nga maghatag sang bugas sa linibo ka mga benepisyaryo sa Maynila sa tunga sang pagtaas sang presyo sang balaklon kag gatong.

Suno sa Palasyo, padayon ang pagpanagtag sang bulig sa mga pamilya nga apektado sang krisis sa ekonomiya.