May yara sang standing order si President Ferdinand “Bongbong” Marcos Jr. nga dakpon si Senator Ronald “Bato” dela Rosa.
Ini ang ginkumpirma ni Palace Press Officer Usec. Claire Castro sang ginpamangkot kun may yara bala sang standing order si President Marcos sa pag-aresto sa senador.
Una na nga nag-issue sang warrant of arrest ang International Criminal Court sa The Hague para sa nasambit nga senador may kaangtanan sa crimes against humanity case batuk kay former President Rodrigo Duterte.
Sang Mayo, kasunod sang shooting incident sa Senado nga nagresulta sang pagpalagyo ni Dela Rosa nagikan sa lugar, nagpahayag si Marcos nga wala ini sang instruction nga arestuhon ang senador.
Subong nga semana, may nagguwa nga impormasyon nga gindakop na si Dela Rosa, apang suno sa Department of Justice kag Department of the Interior and Local Government, wala sila sang impormasyon tuhoy diri.
