-- ADVERTISEMENT --
Nagpabutyag sang kabalaka si President Ferdinand Marcos Jr. sa nagapadayon nga tensyon kag kinagamo sa Senado, lakip na ang gina-alegar insidente sang pagpangluthang, minority bloc walkout, kag alegasyon sang isa pa ka kudeta sa Senado.
Suno sa Presidente, masubo ang sitwasyon subong sang Senado kun ipaanggid sang siya ang senador pa.
Suno sa iya, sadto nga tion may yara sang mabaskog nga mga debate sa sulod sang Senado apang ang mga mamalidha nagpabilin nga propesyonal kag ang ila mga pagbinaisay wala nagatapos sa personalan.
Sa pihak nga bahin, nagalaum si Marcos nga masolbar gilayon ang mga isyu agud mabalik ang katawhay kag pagsalig sa Senado.
