Nagpanawagan si President Ferdinand Marcos Jr sa Senado kag Kamara nga gilayon nga amyendahan ang Electric Power Industry Reform Act (EPIRA) agud kuhaon ang systems loss charge kag ang associated value-added tax (VAT) nga ginapasa sa mga konsumidor sang kuryente.
Sa iya ika-lima nga State of the Nation Address (SONA), ginpahayag sang Presidente nga indi dapat pagpabayran ang mga pumuluyo sa kuryente nga nadula bangud sa mga technical issue sa transmission kag distribution systems, subong man sa iligal nga koneksyon kag pagpangawat sang kuryente.
Suno kay Marcos, ang systems loss indi sala sang mga konsumidor; gani, indi makatarungan nga ilakip ini sa ila bulanan nga balayran sa kuryente.
Dugang pa, ginhingyo sang Presidente ang Kongreso nga ipasar ang Sariling Kuryente Act agud mangin barato ang pagbutang sang solar panel kag battery storage system sa mga panimalay kag makabulig sa pagpanubo sang gasto sa kuryente.
Ang amo nga announcement ang nakaangkon sang labing una nga standing ovation sa 2026 SONA.
