Pagapirmahan na ni President Ferdinang “Bongbong” Marcos Jr sa Disyembre 30 ang proposed P6.352 trillion nga national budget para sa masunod nga tuig.
Ini ang gin-anunsiyo ni Presidential Communications Office (PCO) Secretary Cesar Chavez.
Una na nga ginpahayag ni Chavez nga wala naistoryahan sa Malacañang ang posibilidad nga mag-angkon sang reenacted budget para sa masunod nga tuig.
Suno pa diri wala nahinambitan ang natuhoy sa reenacted budget sa nakaligad nga duwa ka pagsinapol sang gabinete kag ang ginahimo sa karon amu ang ginatun-an ini sang maid-id.
Nakatalana kuntani nga pirmahan sang Presidente ang 2025 national budget sadtong Disyembre 20 apang ginpaiway ini agud matagaan sang mas madamo nga oras para mausisa sang husto kag makonsulta ang mga pinuno sang mga departamento, suno kay Executive Secretary Lucas Bersamin.
Una na nga ginsiling ni Marcos nga nagalaum ini nga mpirmahan ang 2025 national budget antes matapos ang tuig.
