Ginpakigbahin sang Local Government Unit (LGU) sang President Roxas Capiz ang sekreto matapos ginhatagan sang High Functional Rating sa Department of Interior ang Local Government (DILG) sa 2025 Anti-Drug Abuse Council (ADAC) Performance Audit.
Sa interview sang Bombo Radyo kay President Roxas, Capiz Mayor Receliste Lachica Escolin, iya ginpahayag nga ang pagbinuligay sang tagsa ka Barangay, LGU kag kapulisan ang may dako nga bulig sa pagbaton sang pagkilala.
Suno kay Escolin, indi mahapos ang pagpatuman sang anti-drug campaign, apang ginpamatud-an nila nga pinaagi sa pagbinuligay sang LGU, pulis, simbahan, kag eskwelahan, natigayon nila nga matapna ang pagduging sang illegal nga droga.
Dugang pa sang alkalde, makapila ka beses naman sila nga nagbaton sang pagkilala bangud sa pagtapna sang illegal nga droga.
Nagpasalig man ini nga padayunon ang kampanya batok sa illegal nga droga para sa maayo nga bwas damlag sang mga kabataan nga mahimo pa mahatagan sang oportunidad kag maayo nga pangabuhi.
