Ginsabat ni President Roxas, Capiz Mayor Receliste Escolin ang mga reklamo sang indi patas nga pagpili sang benepisyaryo para sa Bawat Barangay Makikinabang Program sa Barangay Badiangon, President Roxas.
Sa interview sang Bombo Radyo kay Mayor Escolin, iya ginpahayag nga wala sang pagpabor sa pagpili sang benepisyaryo sa nasambit nga programa.
Suno sa iya, wala sang klaro nga guidelines kun sa paano nga pamaagi ang pagtunga sang P100,000 para sa benepisyaryo nga incoming fourth year student.
Pahayag pa niya, sa Barangay Badiangon, may yara na sang nakasugtan nga tinungaay apang may yara sang nagapanindugan nga indi sini luyag nga tungaon ang amo nga kantidad, sa baylo luyag sini nga makuha sang bilog ang P20,000.
May pila pa ka mga pagpamahog nga nabaton gikan sa nasambit nga estudyante nga maga-report ini kag ma-post sa social media.
Nagpanawagan man ang natungdan nga likawan ang pagpangaway sang mga opisyal sang Barangay kag siguruhon nga mamangkot anay antes nga maghatag sang komento.
