Ginpahanumdom sang alkalde sang President Roxas, Capiz ang mga nagatanom sang tubo nga gilayon nga i-report sa otoridad ang anuman nga palatandaan sang Red-Striped Soft Scale Insect (RSSI) infestation sa ila mga plantasyon.
Sa interview sang Bombo RadYo kay Mayor Receliste Escolin, iya ginpahayag nga importante nga makilala kag ma-report sang temprano ang infestation agud gilayon nga matigayon ang mga tikang agud madula ang nasambit nga peste kag malikawan nga maglala pa ang halit sa mga pananom.
Ginhatagan man pagtamod sang alkalde nga dako ang epekto sang RSSI infestation sa kita sang mga nagatanom sang tubo, ilabi na kun dalagku ang mga plantasyon nga apektado.
Suno kay Escolin, dako nga bulig ang pagdeklarar sang state of calamity sa probinsya agud mapadasig ang pag-abot sang bulig kag suporta para sa mga mangunguma nga apektado sang infestation.
Matandaan nga si Presidente Roxas ang nagaisahanon nga sugarcane central sa bug-os nga probinsya sang Capiz, gani importante ang gilayon nga pagsabat sa problema agud maamligan ang industriya sang kalamay kag ang palangabuhian sang mga manugtanom sang tubo.
